Deklarata e fortë e Lindës: Disa njerëz s’duhet të bëhen prindër përfshirë dhe nënën time

00:39 | 25 Qershor 2021
Trina Galanxhi

Linda në takimin me Samiun është treguar shumë e afërt, aq sa ka treguar detaje edhe për jetën e saj.

Ajo është shprehur se disa njerëz s’duhet të bëhen prindër duke përfshirë edhe nënën e saj.

“Unë jetoj me mamin, qëkur jam martuar i propozova të jetonte me mua sepse ajo ishte vetëm. Ajo është shumë e qetë si person, nuk kam pasur asnjë problem. Por kur vajza mbushi 7 vjeç më tha që nëna ty nuk të do, e kam vënë re që sa herë flet me dajën i thotë shpirt kurse ty nuk të thotë asgjë. Ajo do të vijojë të jetojë me mua, ajo është një engjëll por vërtet që ka disa persona që nuk duhet të jenë prindër. Këtë ndjenjën e mëmësisë e ka vetëm me vëllanë. Nuk kam dëgjuar që të vijë të më puthë ose të më thotë të dua. Kur kam qenë jashtë Shqipërisë ajo nuk i bie kurrë telefonit. Mendoj se është mekanike. Por unë do të jem me të gjithmonë”, tha Linda.